MANTEB.com - Ewon warga Jepara gumregut nonton festival musik sahur utawa tongtek. Sakehing peserta festival saka klompok wong diwasa nganti bocah-bocah mamerake kaprigelane anggone ngunekake musik tradisional kaya ta kenthongan, bedhug sarta drim lan kaleng.

Tradisi thongtek utawa ngunekake musik sahur gugah-gugah warga nganggo piranti musik tradisional ing Jepara samengko wiwit cures. Kanggo nglestarekake piranti musik kang mung diunekake ing sasi ramadhan iku, puluhan klompok thongtek saka kabupaten Jepara mamerake kaprigelane jrone “Festival Thongtek Ramadhan” ing sauruting Ratan Kartini Jepara, minggu bengi (12/8/2012).

Klompok thongtek watara cacah 60 saka saindhenging Kabupaten Jepara nuduhake kaprigelane anggone ngunekake piranti musik tradisoinal kaya ta kenthongan, gamelan malah drim lan kaleng kaleng bekas. Festival thongtek iki mujudake kegiatan kang ajeg digelar ing Kabupaten Jepara kanggo ngregengake sasi suci romadhon kang uga minangka sarana nglestarekake budaya daerah kang samengko wis wiwit kesingkur.

Tumrap umat muslim ing Jepara, musik thongtek wis mujudake tradhisi kanggo nggugah warga supaya nindakake saur. Mula ora nyleneh menawa umat muslim ing Jepara padha katon gregete kanggo melu tetandhingan. Kang menang jrone festival hongtek iki bakal diwenehi bebungah dening pehak panitia awujud tropi piala bergilir lan dhuwit kanggo pembinaan. (Hasanuddin - Jepara)